السلام عليكم ورحمة الله وبركاته
إيه إيه بصاح غبرت عليكم، ولكن الغايب حجتو معاه..اولا؟ 
المهم اليوم جيت و جبت معايا واحد الشهيوة: ديسير الإجاص بالقهوة والكاراميل.. بدينا..؟ لوول 
غادي نحتاجو:
4 إجاصات كبار طايبين..ولكن ماشي هارييين لوول
30 سل قهوة حاااارة ( يعني كان زيدو فالماء لغبرة ديال لقهوة أكثر من العادة).. كان شرح ليكم زعما 
10سل كريم فريش باردة بزاف
170غ سنيدة
3 كركاعات مقسومين علا زوج
حبيبات ديال لقهوة..إيوا ضروري من زواق أولا؟ 
فكسرونة كان ديرو القهوة+سنيدة فوق العافية مجهدة حتى تغلى و من بعد نقصو العافية و نحركو.
كان نقيو الإجاص و نقطعوه على نص و نزولو لقلب ديالو و نحطوه فطاوا علا وجهو و نخويو سيرو ديال لقهوة فوق
... منهم، و ندخلوه الفرن 30د.
(ساعة ساعة نطللو على الإجاص ونسقيه بمعلقة ب سيرو لي فالجناب ديال الطاوا)
مني نخرجو الطاوا من الفران,نديرو الإجاص فالثلاجة حتى يبرد مزيان.
لما نبغيو نقدمو هاد ديسير،كان نخويو داك السيرو لي شاط فكسرونة و نديروه فوق العافية حتى يوللي كراميل.( 
عنداكوم تخليوه فوق العافية حتى يوللي حجرة ههههههههه)
عنداكوم تخليوه فوق العافية حتى يوللي حجرة ههههههههه)مني كاي تكرمل سيرو كان ديرو شويا شويا فكل طبسيل و نحطو فوق منو الإجاص و نزوقو بالكريم بالبوق و حبات ديال القهوة والكركاع على حساب الذوق.
أُ بالصحا و راحة
